គ្រោះថ្នាក់ចរាចរណ៍រវាងរថយន្តនិងម៉ូតូ បណ្តាលឲ្យមនុស្ស២ស្លាប់ នៅកន្លែងកើតហេតុ

កំពង់ធំ៖ យ៉ាងហោចណាស់មនុស្ស២នាក់ស្លាប់បាត់បង់ជីវិតនៅកន្លែងកើតហេតុក្នុងករណីគ្រោះថ្នាក់ចរាចរណ៍មួយរវាងរថយន្តនិងម៉ូតូ ។

ហេតុការណ៍ខាងលើនេះកើតឡើងកាលពីថ្ងៃទី ៣០ ខែមីនា ឆ្នាំ២០២១ វេលាម៉ោង ១៨និង ៣៣ នាទី នៅមុខផ្លូវចូលវិទ្យាស្ថានសុីយូអេស ផ្លូវជាតិលេខ៦ ភូមិបល្លង្កលិច សង្កាត់ដំរីជាន់ ខ្លា ក្រុងស្ទឹងសែន ខេត្តកំពង់ធំ ។

សមត្ថកិច្ចបានឲ្យដឹងថាគ្រោះថ្នាក់ចរាចរណ៍ខាងលើកើតឡើងរវាង ម៉ូតូម៉ាក យ៉ាម៉ាហា ព៌ណខ្មៅ ពាក់ផ្លាកលេខកំពង់ធំ 1O.9851 បើកបរដោយឈ្មោះ ឃីន សុខា ប្រុសអាយុ ២២ នៅភូមិឥន្ទាក់កុមារ ឃុំត្រពាំងឬស្សី កំពង់ស្វាយ មុខរបរ-កម្មករ មិនពាក់មួក
សុវត្ថិភាព(ស្លាប់នៅកន្លែង) និង រួមដំណើរឈ្មោះ ធាត់ ប៉ូ ភេទប្រុស អាយុ ២១ នៅភូមិឃុំ ជាមួយគ្នា មុខរបរ កម្មករ(មិនពាក់មួកសុវត្ថិ ភាព)ស្លាប់នៅកន្លែង ។ ឯរថយន្តម៉ាកហាយទ្បែន ឌ័រពណ៍សផ្លាកលេខភ្នំ ពេញ2AY.4605 បើកបរ ឈ្មោះ ហ៊ុយ ពុទ្ធារិទ្ធិ ប្រុស អាយុ ៣០ ភូមិដំរីជាន់ខ្លា សង្កាត់ដំរីជាន់ខ្លាស្ទឹងសែន
មុខរបរ មន្ត្រីរាជការ បានរត់គេចខ្លួន។

តាមការឲ្យដឹងពីសមត្ថកិច្ច មូលហេតុបឋម អ្នកបើកបររថយន្តបត់ឆ្វេង ខ្ជីខ្ជាខ្វះការប្រុងប្រយត្ត័មិនគោរពសិទ្ធិអាទិភាព ទើបបង្កជាគ្រោះថ្នាក់ចរាចរណ៍នេះឡើង ។