គួរឱ្យអាសូរណាស់ ក្មេងស្រីអាយុ៩ឆ្នាំ ត្រូវរថយន្តបុក បណ្តារឱ្យស្លាប់ភ្លាមៗនៅហ្នឹងកន្លែង (ដោយ៖ទូចចន្នា)

ព្រះវិហារ ៖ ថ្ងៃទី២៤ ខែមីនា ឆ្នាំ២០២១ វេលាម៉ោង ១០,៥៥នាទី មានករណីគ្រោះថ្នាក់ចរាចរណ៍រថយន្តបុកក្មេងស្រីអាយុ៩ឆ្នាំ បណ្តារឱ្យផុងលលាស្លាប់ភ្លាមៗនៅហ្នឹងកន្លែង ខណៈពេលដែលក្មេងស្រីរងគ្រោះកំពុងតែឈរលេងនៅមុខផ្ទះ ដោយសារ រថយន្តដឹកផ្លែដូង ប្រភេទឡានកូរ៉េ (ម៉ាកស្តារិចពណ៍ស) ពាក់ស្លាក​លេខ (ព្រះវិហារ 2B5755) ករណីគ្រោះថ្នាក់ចរាចរណ៍នេះកើតឡើងនៅចំណុច ភូមិក្រាំង​ដូង ឃុំ​ព្រះឃ្លាំង ស្រុក​ត្បែង​មានជ័យ ក្នុង​ខេត្ត​ព្រះវិហារ (ខាងជើងក្លោងទ្វាចូលវត្តដំបូកខ្មៅប្រហែល សាមសិបម៉ែត្រ) ​។ កុមារីរងគ្រោះរូបនោះមានឈ្មោះ ផេន លីនណា ភេទស្រីអាយុ ៩ឆ្នាំ ឪពុកឈ្មោះ ភួង សុភ័ស នឹងម្តាយឈ្មោះ យុន គន្ធា រស់នៅភូមិកើតហេតុខាងលើ។

យោងតាមរបាយការណ៍សមត្ថកិច្ចនគរបាលចរាចរណ៍ផ្លូវគោគខេត្តព្រះវិហារបានឱ្យដឹងថា កុមារីរងគ្រោះកំពុងតែឈរលេងនៅមុខផ្ទះ(ខាងលិចផ្លូវ) ខណៈពេលនោះក៏មានរថយន្តកូរេ(ស្តារិចពណ៍ស)ដឹកផ្លែដូង ពាក់ស្លាកលេខ ព្រះវិហារ2B 5755 បើកបរដោយឈ្មោះ ហ៊ូ ចន្ធី ភេទប្រុស អាយុ៣៩ឆ្នាំ រស់នៅភូមិ សែនជ័យ ឃុំស្រអែម ស្រុក​ជាំ​ក្សាន្ត ខេត្តព្រះវិហារ ធ្វើដំណើរពីជើងទៅត្បូងក៏រេចង្កូតបណ្តារឱ្យទៅបុកក្មេងស្រីរងគ្រោះខាងលើបណ្តារឱ្យផុង​លលា ស្លាប់ភ្លាមៗនៅហ្នឹងកន្លែងកើតហេតុតែម្តង។ ក្រោយពីកើតហេតុសមត្ថកិច្ចធ្វើការវាស់វែង បញ្ជូនជនបង្ករនឹងរថយន្តមកការិយាល័យផែនចរាចរណ៍ផ្លូវគោគខេត្តព្រះវិហារដើម្បីសាកសួរ នឹងបន្តនិតិវិធីទៅតាមផ្លូវច្បាប់ រីឯកុមារីរងគ្រោះត្រូវបានសមត្ថកិច្ចប្រគន់ជូនគ្រួសារដើម្បីធ្វើបុណ្យទៅតាមប្រពៃណី៕