ពិធីដាំកូនឈើ ប្រណីតចំនួន២៥០០០ដើម នៅអាស្រមវត្តភ្នំជី ក្រោមអធិបតីភាពលោកអភិបាលស្រុកសណ្ដាន់

ខេត្តកំពង់ធំ៖ នៅព្រឹកថ្ងៃសុក្រ ១០កើត ខែភទ្របត ឆ្នាំជូតទោស័កពុទ្ធសករាជ ២៥៦៤ ត្រូវនឹងថ្ងៃទី ២៨ ខែសីហាឆ្នាំ ២០២០ លោក ឡង គីសឹង អភិបាលនៃគណៈអភិបាលស្រុកសណ្ដាន់ បានអញ្ជើញជាធិបតីភាព ក្នុងពិធីដាំកូនឈើ ប្រណិត ប្រភេទ ធ្នុង បេងគ្រញូង ចំនួន២៥០០ដើមនៅចំណុច អាស្រមវត្តភ្នំជី ស្ថិតនៅក្នុងឃុំសុចិត្រ ស្រុកសណ្ដាន់ខេត្តកំពង់ធំ ។

ដោយមានការអញ្ជើញចូលរួមពី ព្រះតេជគុណនៅវត្តភ្នំជី មន្ត្រីបរិស្ថានឧទ្យានុរក្ស សង្កាត់រដ្ឋបាលព្រៃឈើទំរីង អាជ្ញាធរ ឃុំ ស្រុក កងកម្លាំងប្រដាប់អាវុធទាំង៣ ព្រមទាំងប្រជាពលរដ្ឋជាច្រើនរូប។

នៅក្នុងឱកាសនោះផងដែរ លោកឡង គីសឹង អភិបាលនៃគណៈអភិបាលស្រុកសណ្ដាន់ ក៏បានអំពាវនាវ ដល់អាជ្ញាធរស្រុក សមត្ថកិច្ច ពាក់ព័ន្ធ ពិសេសបងប្អូនប្រជាពលរដ្ឋ ត្រូវចូលរួមដាំកូនឈើឡើងវិញ និងធ្វើការផ្សព្វផ្សាយដល់មូលដ្ឋានប្រជាពលរដ្ឋ ឲ្យមានការយល់ដឹង ឲ្យកាន់តែច្បាស់ពីគុណប្រយោជន៍ និងការគ្រប់គ្រងធនធានព្រៃឈើ តាមរយៈកែលម្អរ សុខភាពធនធានធម្មជាតិ និងការស្ដារឡើងវិញ នៅដីព្រៃដែរ រិចរិល ឲ្យខ្លាចទៅជា ព្រៃសំបូរបែប ធនធាន និងផលអនុផលព្រៃឈើដើម្បីឆ្លើយតបទៅនឹងតម្រូវការប្រើប្រាស់ក្នុងសហគមន៍ ព្រមទាំង បង្កើតដល់សម្រស់ធម្មជាតិព្រៃឈើ និងដែនទេសភាពទាំងមូល។

លោកបានបន្តទៀតថា ព្រៃឈើមិនត្រឹមតែជួយដល់មនុស្ស សត្វ និងបរិស្ថាន នោះទេ ប៉ុន្តែព្រៃឈើ ជារបាំងខ្យល់ទប់ស្កាត់ការសឹករេចរឹល ព្រៃឈើការពារនូវការហូរច្រោះទប់ស្កាត់ការបាក់ស្រុត ផ្សេងៗការពារគ្រោះធម្មជាតិ ព្យុះគ្រោះរាំងស្ងួតជាដើម។
ក្រោយពី កម្មវិធីដាំកូនឈើត្រូវបានបញ្ចប់ លោកអភិបាល ក៏បានអញ្ជើញឡើងទៅអាស្រមវត្តភ្នំជី ជាមួយនឹងបងប្អូនប្រជាពលរដ្ឋ ដើម្បីជួបសំណេះសំណាល សួរសុខទុក្ខ ក្នុងការរស់នៅប្រចាំថ្ងៃរបស់បងប្អូន អ៊ំពូមីង នៅទីនោះ ហើយនិងសូមឱ្យបងប្អូនទាំងអស់ ចូលរួមសំអាតអនាម័យ ទាំងអស់គ្នា ដើម្បី ឲ្យជៀសផុត នៃការរីករាលដាល នៃជំងឺ កូវិដ19ទាំងអស់គ្នា។ដោយ ព្រំ ភារុណ