រថយន្តសាំយ៉ុងដឹកឈេី បេីកបរខ្វះការប្រុងប្រ័យត្នបណ្ដាលបុកមនុស្សស្លាប់២នាក់!

ព្រះវិហារ ៖ យ៉ាងហោចណាស់បានស្លាប់មនុស្ស២ នៅក្នុងហេតុការណ៍គ្រោះថ្នាកចរាចរណ៍ ដោយការធ្វេសប្រហេសបណ្តាលអោយបុកស្លាប់មនុស្សទទេៗ ហេតុការណ៍ខាងលើបានកើតឡេីងកាលពីវេលាម៉ោង១១នឹង៣៥នាទី នៅថ្ងៃទី១៤ខែមិថុនាឆ្នាំ២០២០នេះ នៅតាមបណ្តោយផ្លូវជាតិលេខ៦២ នៅត្រូវចំនុចខ្លោងទ្វាចូលវត្តដំបូកខ្មៅ ស្ថិតត្រង់ចន្លោះបង្គោលគីឡូម៉ែត្រលេខ១១៣.១១៤ ឋិតនៅក្នុងភូមិសាស្ត្រ ក្រាំដូង ឃុំព្រះឃ្លាំង ស្រុកត្បែងមានជ័យខេត្តព្រះវិហារ។

តាមរបាយការណ៍របស់សម្ថកិច្ចមូលដ្ឋានបានអោយដឹងថា៖ ដេីមហេតុបង្កឡេីងដោយរថយន្តសាំយ៉ុងដឹកឈើពណ៍លឿង ពាក់ផ្លាកលេខភ្នំពេញ2BA.5352 បុកម៉ូតូម៉ាកទ្រីមសង់ ពាក់
ស្លាកលេខ1A5872 បណ្តាលអោយជនរងគ្រោះ ២នាក់ស្លាប់ភ្លាមៗនៅនឹងកន្លែង។

ជនរងគ្រោះទី1ឈ្មោះ គង់ សំអូន ភេទប្រុស
អាយុ៣៨ឆ្នាំ រស់នៅភូមិដូនម៉ា ឃុំរក្សា ស្រុករវៀង
ខេត្តព្រះវិហារ អ្នកបើកម៉ូតូ ជនរងគ្រោះទី២ ឈ្មោះ វណ្ណៈ ភេទប្រុសអាយុ៤០ឆ្នាំទីលំនៅភូមិឃុំជាមួយ គ្នា បណ្តាលអោយជនរងគ្រោះស្លាប់ទាំង២នាក់នៅកន្លែងកើតហេតុ។

យោងតាមសាក្សីនៅកន្លែងកើតហេតុបានអោយដឹងថា ម៉ូតូជនរងគ្រោះបានជិះឆ្លងផ្លូវពីកើតទៅលិច ស្របពេលរថយន្តដឹកឈើខាងបើកក្នុងល្បឿនលឿនខ្លាំងពេក បានជ្រុលទៅបុកម៉ូតូជនរងគ្រោះពេញទំហឹងតែម្តង បណ្តាលអោយជនរងគ្រោះខ្ទាតធ្លាក់ពីលើម៉ូតូស្លាប់ភ្លាមៗនៅចំនុចកើតហេតុខាងលើ។

ករណីរថយន្តបង្កគ្រោះថ្នាក់ចរាចរខាងលើបណ្តា លមកពី ការធ្វេសប្រហេសរបស់តៃកុងរថយន្ដដឹកឈើ បើកបរលើសល្បឿនកំណត់ អាចនិយាយបានថាប្រញាប់ដឹកជញ្ចូនឈើយកទៅលក់នឹងឆាប់បានត្រលប់មកដឹកឈើមួយជេីងទៀត។

គួរកត់សម្គាល់ថា រថយន្ដដឹកឈេីនៅតាមបណ្ដាលផ្លូវជាតិលេខ៦២ នៅក្នុងដីខេត្តព្រះវិហារ តែងតែបេីកបរក្នុងល្បឿនលឿន វ៉ាប្រជេងគ្នាពេញតាមដងផ្លូវ មិនព្រមគោរពច្បាប់ចរាចណ៍តែងតែបង្កអោយប្រជាពលរដ្ឋធ្វេីតំនេីរ នៅលេីតាមដងផ្លូវបាត់បង់ជីវិតជារេីយៗ៕