មន្ទីសាធារណៈការនិងដឹកជញ្ជូនខេត្តព្រះវិហារ បានចុះសិក្សារនិងពិនិត្យមើលទីតាំងសំរាប់ដាក់ជញ្ជីងអចល័តថ្លឹងរថយន្ត នៅព្រំប្រទល់ខេត្តព្រះវិហារ-ខេត្តកំពង់ធំ
ខេត្តព្រះវិហារ៖ នៅព្រឹកថ្ងៃទី១២ ខែមិថុនា ឆ្នាំ២០២០ ឯឧត្តម សេង ឈួន រដ្ធលេខាធិការក្រសួងសាធារណៈការនិងដឹកជញ្ជូន បានអមដំណើរដោយឯឧត្តម គោ ស៊ុំប៊ុនសឿត អភិបាលស្តីទីតំណាងឱ្យឯឧត្តម ប្រាក់ សុវណ្ណ អភិបាលខេត្តព្រះវិហារ លោក ហោ ប៊ុនហួរ អភិបាលស្រុករវៀង លោក សំ លាងទ្រី ប្រធានមន្ទីសាធារណៈការនិងដឹកជញ្ជូនខេត្តព្រះវិហារ និងមន្ត្រីពាក់ព័ន្ធជាច្រើនរូបទៀត បានដឹកនាំក្រុមការងារដើម្បីចុះសិក្សារ និងពិនិត្យមើលទីតាំងដែលត្រូវដាក់ជញ្ជីងអចល័តថ្លឹងរថយន្ត ដែលទីតាំងនោះស្ថិតនៅចំណុចភូមិជីអោក ឃុំរម្មណី ស្រុករវៀង ក្នុងខេត្តព្រះវិហារ។
លោក សំ លាងទ្រី ប្រធានមន្ទីសាធារណៈការនិងដឹកជញ្ជូនខេត្ត បានឱ្យដឹងដែរថា កាចុះពិនិត្យទីតាំងនេះដែរគឺដោយ មានការស្នើរសុំពី មន្ទីសាធារណៈការនិងដឹកជញ្ជូនខេត្ត ក៏ដូចជាការស្នើរសុំរបស់រដ្ធបាលខេត្តព្រះវិហារ នូវទីតាំងដើម្បីដាក់ជញ្ជីងអចល័ត្តថ្លឹងរថយន្ត។
ទីតាំងដែលត្រូវដាក់ជញ្ជីងអចល័តថ្លឹងរថយន្តខាលើនេះ នូវចាំតែក្រុមការងារបញ្ជូនឯកសារទៅ ឯឧត្តមទេសរដ្ធមន្ត្រី សួន ចាន់ថុល រដ្ធមន្ត្រីនៃក្រសួងសាធារណៈការនិងដឹកជញ្ជូន ដើម្បីធ្វើការពិនិត្យ និងសំរេច។
ក្នុងនោះដែរលោក សំ លាងទ្រី លោកក៏បានបន្តទៀតថាដោយកាសង្កេតឃើញផ្ទាល់ដែរថា មានរថយន្តធន់ធំៗដឹកលើសចំណុះ បណ្តាលឱ្យខូចខាតផ្លូវជាតំណំ នឹងក៏ជាការជៀងវាងនូវគ្រោះថ្នាក់ចរាចណ៍ផងដែរ។
គួបញ្ជាក់ផងដែរថា ៖ ទីតាំងដីដែលចុះសិក្សារដាក់ជញ្ជីងអចល័តថ្លឹងរថយន្តនោះដែរ គឺជាដីកម្មសិទ្ធឯកជនផ្ទាល់របស់លោក សំ លាងទ្រី ដែលលោក ព្រមបរិច្ចាកទៅឱ្យក្រសួង សាធារណៈការនិងដឹកជញ្ជូនដើម្បីធ្វើការសាងសង់៕ ដោយ ទូចចន្នា
