ឯកឧត្តមសុខ លូ អភិបាលខេត្ត កំពង់ធំ អញ្ជើញចុះ ចែកអំណោយដល់ចាស់ជរា ជនពិការ ស្រ្តីមេម៉ាយ ស្រុកប្រាសាទបល្ល័ង្ក
ខេត្តកំពង់ធំ: ឯកឧត្តម សុខលូ អភិបាលនៃគណៈអភិបាលខេត្តកំពង់ធំ ប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ធំ
បានអញ្ជើញដឹកនាំក្រុមការងារ ចុះចែកអំណោយដល់ជនពិការចាស់ជរាគ្មានទីពឹង ស្រ្តីមេម៉ាយ ចំនួន៣ទីតាំង ផ្សេងគ្នា ក្នុងស្រុកប្រាសាទបល្ល័ង្ក ខេត្តកំពង់ធំ.នៅព្រឹក ថ្ងៃទី១២ ខែមិថុនាឆ្នាំ២០២០។
លោក វណ្ណៈ សោភានិត អភិបាលស្រុកប្រាសាទបល្ល័ង្ក បានមានប្រសាសន៍ថា នៅក្នុងស្រុកប្រាសាទបល្ល័ង្កមានប្រជាពលរដ្ឋងាយរងគ្រោះត្រូវបានទទួល អំណោយរបស់សាខាកាកបាទក្រហមកម្ពុជាខេត្តកំពង់ធំ.ត្រូវបានចែកជូនដល់ប្រជាពលរដ្ឋ ចំនួន២៩១គ្រួសារ មកពី៧ ឃុំ ក្នុងស្រុកប្រាសាទបល្ល័ង្ក ក្នុងនោះមាន ឃុំដូង៣៥គ្រួសារ ឃុំសាមគ្គី២៧ ឃុំក្រយា៦៨ឃុំសាគ្រាម៣៥ ឃុំផាន់ញឺម៣៣ ឃុំសាលាវិស័យ៤៦ ឃុំទួលគ្រើល ៤៧ ក្នុងមួយគ្រួសារទទួលបានទឹកត្រីទឹកស៊ីអ៊ីវត្រីខ សាប៊ូ ច្រាស អង្ក២៥។
ឯកឧត្តម សុខលូ អភិបាលខេត្ត កំពង់ធំ ប្រធានគណៈកម្មាធិការសាខា កាកបាទក្រហមកម្ពុជាខេត្តកំពង់ធំ បានមានប្រសាសន៍ថា សម្រាប់ខេត្តកំពង់ធំដែលមានចំណាកស្រុក មកពីប្រទេសថៃ ៦១០០នាក់ តើពុំទាន់រកឃើញ ឆ្លងមេរោគ covid-19 ឡើយ ក៏ពុំទាន់មានអ្នកស្លាប់ដែរ។
និងបានផ្តាំផ្ញើដល់បងប្អូនប្រជាពលរដ្ឋទាំងអស់ ឲ្យថែរក្សាសុខភាព អនាម័យឲ្យបានល្អ.ដោយអនុវត្តតាម ការណែនាំរបស់ក្រសួងសុខាភិបាល កាត់បន្ថយការជួបជុំគ្នា លាងដៃនិងសាប៊ូ ឫអាលកុល ដើម្បីការពារនិងទប់ស្កាត់ការឆ្លងរីករាលដាលនូវជំងឺមេរោគដ៏កាចសាហាវនេះ ខណៈពេលដែល មេរោគកូវិដ១៩នេះ បានឆ្លងទៅលើមនុស្សនៅលើពិភពលោកនេះ ជាង៧លាននាក់ និងបានសម្លាប់មនុស្សជាង៤២ម៉ឺននាក់៕
ក្នុងនោះដែរ ឯកឧត្តមអភិបាលខេត្តកំពង់ធំ បានអំពាវនាវឲ្យមាតាបិតា អាណាព្យាបាល រួមទាំងក្រុមយុវជន ទាំងអស់ចៀសឆ្ងាយពីគ្រឿងញៀន ព្រោះគ្រឿងញៀនជា អាវុធបំផ្លាញអនាគត បំផ្លាញសុខភាព.និងសង្គមជាតិ ដូច្នេះសូមកុំគិតថា បញ្ហាគ្រឿងញៀនជាតួនាទីរបស់សមត្ថកិច្ច ឲ្យសោះ.គឺត្រូវចូលរួម ការពារទប់ស្កាត់ ទាំងអស់គ្នា មី ឲ្យមាន គ្រឿងញៀននៅក្នុងមូលដ្ឋានរបស់យើង៕
