ពិតជាអាសូណាស់ ចេញពីខេត្តតាកែវ ទៅខេត្តមណ្ឌលគិរី ដើម្បីធ្វើបុណ្យសព លោក យាយ ទៅមិនទានដល់គោលដៅផង ស្រាប់តែ ជួប គ្រោះថ្នាក់ចរាចរណ៍ បុ,ក នឹងបង្គោលខ្សែកាប បានក្រឡាប់ផ្ងាជើង បណ្តាលឲ្យ នារីម្នាក់ ស្លា,,ប់ នៅនឹងកន្លែងភ្លាមៗ និង ២ នាក់ទៀតរងរ,បួ,,ស ធ្ង, ន់

ខេត្តមណ្ឌលគិរី៖ ហេតុការណ៍បានកើតឡើង នៅវេលាម៉ោង៣ទាបភ្លឺ ថ្ងៃទី១១ ខែកក្កដា ឆ្នាំ២០២៤ នៅលើកំណាត់ផ្លូវជាតិលេខ៧៦A ស្ថិតក្នុងភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី។
សេចក្ដីរាយការណ៍សមត្ថកិច្ចបានឲ្យដឹងថា
មានរថយន្ត១គ្រឿងម៉ាក តាកូម៉ា ព័ណទឹកប្រាក់ ពាក់ស្លាកលេខ(ភ្នំពេញ2AT.8479បើកបរដោយឈ្មោះ អូន ផានិត អាយុ២៤ឆ្នាំធ្វើដំណើចេញពីខេត្តតាកែវ ឆ្ពោះទៅឃុំពូជ្រៃស្រុកពេជ្រាដា ខេត្តមណ្ឌលគិរី ដើម្បីធ្វើបុណ្យសពលោកយាយ លុះមកដល់ចំណុចកើតហេតុដោយស្ថានភាពមេឃចុះអ័ព្ទខ្លាំងមើលមិនច្បាស់ ក៏បានរេចង្កូតទៅបុកនៅតូបលក់ឥវ៉ាន់មួយកន្លែងរួចក៏ជ្រុលទៅបុកនឹងបង្គោលខ្សែកាបហើយបានក្រឡាប់ផ្ងាជើង បណ្តាលឲ្យ នារីម្នាក់ឈ្មោះ អូន ស្រីនិច្ច ភេទស្រី អាយុ២៧ឆ្នាំ បានស្លាប់នៅនឹងកន្លែងភ្លាមៗ និង២ នាក់ទៀតរងរបួសធ្ងន់ត្រូវបានបញ្ជូនទៅសង្រ្គោះនៅឯមន្ទីរពេទ្យបង្អែកខេត្តមណ្ឌលគិរី។
ជនរងគ្រោះទាំងអស់មានស្រុកកំណើតនិងទីលំនៅបច្ចុប្បន្ន ភូមិស្តៅឯម ឃុំចំបក់ ស្រុកបាទី ខេត្តតាកែវ ចំណែកសពត្រូវបានក្រុមសាច់ញាតិ ដឹកទៅធ្វើបុណ្យតាមប្រពែណីនៅឯ ស្រុកកំណើត ខេត្តតាកែវ។
ចំណែករថយន្តត្រូវបានមន្រ្តីជំនាញចរាចរណ៍យកទៅរក្សាទុកនៅអធិការដ្ឋាននគរបាលស្រុកអូររាំង ខេត្តមណ្ឌលគិរី ។