ពិធីបុណ្យផ្កាប្រាក់មហាសាមគ្គីកសាងសាលាអនុគណស្រុកកំពង់ត្រឡាច ខេត្តកំពង់ឆ្នាំង ស្ថិតនៅក្នងវត្តសិរីគង្គា ឃុំថ្មឥដ្ឋ ស្រុកកំពង់ត្រឡាច ខេត្តកំពង់ឆ្នាំង
ស្រុកកំពង់ត្រឡាច៖ ថ្ងៃអាទិត្យ ៩ រោច ខែជេស្ឋ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៣០ ខែមិថុនា ឆ្នាំ២០២៤ ពិធីបុណ្យផ្កាប្រាក់មហាសាមគ្គី កសាងសាលាអនុគណស្រុកកំពង់ត្រឡាច ខេត្តកំពង់ឆ្នាំង ដោយមានការនិមន្តចូលរួមពី៖
– ព្រះសិលាភិរ័ត ហែម ឡូត ព្រះរាជាគណៈថ្នាក់កិត្តិយស ឧត្ដមទីប្រឹក្សាគណៈសង្ឃនាយក និងជាព្រះវិន័យធរគណៈខេត្តកំពង់ឆ្នាំង
– ព្រះកត្តិកោសល ទន វិមាន ព្រះរាជាគណៈថ្នាក់កិត្តិយស ទីប្រឹក្សាគណៈសង្ឃនាយក និងជាព្រះគ្រូសូត្រស្តាំ វត្តបុទុមគង្គា
– ព្រះវិសាលសត្ថា កង យ៉ុន ឧត្តមទីប្រឹក្សាផ្ទាល់គណសង្ឃនាយក និងជាព្រះអនុគណស្រុកកំពង់ត្រឡាច ព្រមទាំងព្រះមន្ត្រីសង្ឃ ព្រះចៅអធិការទាំង៣០វត្ត និង មហាឧបាសក មហាឧបាសិកា សាលាលេខ៥ ពុទ្ធបរិស័ទទាំងជិត ឆ្ងាយ បានរួមគ្នាប្រារព្ធធ្វេីពិធីបុណ្យផ្កាប្រាក់មហាសាមគ្គីដេីម្បីប្រមូលបច្ច័យកសាងសាលាអនុគណ ស្ថិតនៅក្នងវត្តសិរីគង្គា ឃុំថ្មឥដ្ឋ ស្រុកកំពង់ត្រឡាច ខេត្តកំពង់ឆ្នាំង។
ហេីយការកសាងសាលាអនុគណស្រុកកំពង់ត្រឡាចនេះ កសាងឡេីងដេីម្បីសម្រួលការងារមួយផ្នែកធំលេីផ្នែករដ្ឋបាលព្រះសង្ឃ ថ្នាក់ស្រុកទាំងមូល ជាទីតាំងសម្រាប់ព្រះមន្ត្រីសង្ឃស្រុកធ្វេីការ ប្រជុំ ដោះស្រាយអធិករណ៍នានា បម្រេីផលប្រយោជន៍ដល់ព្រះពុទ្ធសាសនាក្នុងស្រុកទាំងមូល។
នៅក្នុងឱកាសនោះ ព្រះវិសាលសត្ថា បានមានសង្ឃដីការថ្លែងអំណរអរព្រះគុណដល់ព្រះមន្ត្រីសង្ឃ ព្រះចៅអធិការ ព្រះសង្ឃគ្រប់វត្ត មហាឧបាសក មហាឧបាសិកា សាលាលេខ៥ ពុទ្ធបរិស័ទទីជិត ឆ្ងាយ ដែលបាននិមន្ត និងអញ្ជេីញចូលរួមពិធីបុណ្យផ្កាប្រាក់មហាសាមគ្គីយ៉ាងច្រេីនកុះករ ហេីយបានទុកដាក់បច្ច័យសម្រាប់កសាងសាលាអនុគណស្រុកកំពង់ត្រឡាចបន្ត សូមប្រគេនពរ និងជូនពរព្រះសង្ឃគ្រប់ៗអង្គ ពុទ្ធបរិស័ទ សូមជួបប្រទះនូវពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡេីយ។
