អន្ទិតទើបនឹងសឹកបាន១ថ្ងៃ ជូនមិត្តភក្តិស្រី ដែលរៀននៅសាកលវិទ្យាជាមួយគ្នា ទៅទទួលសញ្ញាបត្រ ស្រាប់តែ ជួបគ្រោះអកុសល ត្រូវរថយន្តធុនធំ កៀរខ្ទាតក្រោមកង់ រថយន្តបណ្ដាលឱ្យស្លា..ប់បាត់បង់អាយុជីវិត ទាំងពីរនាក់..
ខេត្តកំពត៖ នៅព្រឹកថ្ងៃទី២៩ មេសា ២០២៤ តាមបណ្ដោយផ្លូវជាតិលេខ៣ នៅមុខរោងចក្រផលិតស៊ីម៉ង់ចក្រីទីង ក្នុងស្រុកឈូកខេត្តកំពត មានករណីគ្រោះថ្នាក់ចរាចរណ៍រវាងម៉ូតូនិងរថយន្តធុនធំ បណ្ដាលឱ្យមនុស្សប្រុសស្រីពីរនាក់ដែលជាគូសង្សារនឹងគ្នាស្លា ប់បាត់បង់អាយុជីវិត ។
ជនរងគ្រោះទី១ឈ្មោះ ទី មុន្នី ភេទប្រុស អាយុ២៤ឆ្នាំ មានទីលំនៅភូមិព្រិច សង្កាត់រកាក្រៅ ក្រុងដូនកែវ ខេត្តតាកែវ ទើបនឹងសឹកបានមួយថ្ងៃ ទី២ឈ្មោះ សល្យ ស្រីនាថ អាយុ២១ឆ្នាំ មានទីលំនៅភូមិធ្នង់ សង្កាត់រកាក្រៅ ក្រុងដូនកែវ ខេត្តតាកែវ ។
យោងតាមប្រភពបានឱ្យដឹងថា នៅមុនពេលកើតហេតុ ជនរងគ្រោះ ទី មុន្នី បានបបួលមិត្តភក្ដិស្រី ដែលរៀននៅសាកលវិទ្យាល័យជាមួយគ្នា ទៅទទួលសញ្ញាបត្រ នៅខេត្តកំពត តែមិនទាន់បានដល់គោលដៅផង ក៏ត្រូវរថយន្តធុនធំមួយគ្រឿងកៀរ ចូលក្រោមកង់រថយន្តបណ្ដាលឱ្យស្លា..ប់ទាំងពីរអ្នកយ៉ាងអាណោចអាធម្ម តែម្ដង ៕
