ឯកឧត្តម អុិត សុធា នាំយកសត្វខ្លុំជាច្រេីនក្បាលលែងឲ្យមានសេរីភាពឡើងវិញនៅក្នុងតំបន់កោះទន្លេខេត្តកំពង់ឆ្នាំង
កកំពង់ឆ្នាំង ៖ នៅព្រឹកថ្ងៃទី២១ ខែធ្នូ ឆ្នាំ២០២២ នេះ ឯកឧត្តម អុិត សុធា ព្រះរាជអាជ្ញាអមសាលាដំបូងខេត្ត រួមដំណេីរដោយ លោកវរសេនីយ៍ឯក ពេជ្រ រុី ស្នងការរងនៃស្នងការដ្ឋាននគរបាលខេត្ត នាំយកសត្វស្លាប (សត្វខ្លុំ) ជាច្រេីនក្បាលទៅលែងអោយមរស់មានសេរីភាពនៅតាមធម្មជាតិលេីកោះតាមដងទន្លេនៃទឹកដីខេ្តកំពង់ឆ្នាំង ។
ឯកឧត្តម អុិត សុធា បានថ្លែងអោយដឹងថាសត្វស្លាប(សត្វខ្លុំ)ដែលយកមកដោះលែងឲ្យទៅរស់នៅតាមធម្មជាតិវិញនាពេលនេះ គឺដោយសារក្តីអាណិតអាសូរដល់សត្វទាំងនោះដែលប្រទះឃេីញគេដាក់លក់ និងចង់អប់រំឲ្យប្រជាពលរដ្ឋដែលរស់នៅតាមជនបទដែលមិនបានយល់ដឹងពីច្បាប់ដេីរទាកសត្វព្រៃលក់ដេីម្បីដោះស្រាយជីវភាពចិញ្ចឹមជីវិត ។ ឯកឧត្តមក៍ចំណាយថវិកាផ្ទាល់ខ្លួនទិញពីអ្នកលក់សត្វហេីយយកមកលែងដេីម្បីឲ្យសត្វទាំងនោះទៅរស់នៅតាមធម្មជាតិវិញ ។
ឯកឧត្តម បន្តថា ការដោះលែងសត្វស្លាបទាំងនេះដេីម្បីចូលរួមអភិរក្សសត្វស្លាបឲ្យបានកេីនឡេីងក្នុងតំបន់ធម្មជាតិនៃទឹកដីខេត្តកំពង់ឆ្នាំង ដែលជាកត្តាមួយអាចជួយទាក់ទាញភ្ញៀវទេសចរណ៍ចូលមកដេីរលេងកំសាន្ត មេីលសត្វស្លាបតាមដងទន្លេ ស្របនឹងកត្តាភូមិសាស្ត្រទឹកដីតាមមាត់ទន្លេខេត្តកំពង់ឆ្នាំងអំណោយផលដល់វិស័យទេសចរណ៍យ៉ាងខ្លាំង ដោយហេតុតែទីតាំងដែលបានលែងសត្វស្លាបទាំងនោះ មានបឹងម្មជាតិ តែងតែមានសត្វស្លាបចុះនិងរស់នៅជាប្រចាំ ហើយមានការគ្រប់គ្រងល្អពីសមត្ថកិច្ច និងអាជ្ញាធរមូលដ្ឋានមានលក្ខណៈសម្បត្តិសមស្របសម្រាប់ការលែងសត្វស្លាបទាំងអស់នេះ ហើយអាចនឹងបង្កើតភាពទាក់ទាញខាងផ្នែកទេសចរណ៍សម្រាប់អ្នកស្រលាញ់សត្វស្លាបនាពេលអនាគតផងដែរ ។
ជាមួយគ្នានេះ ឯកឧត្តម ក៍បានអំពាវនាវ ដល់ប្រជាពលរដ្ឋទាំងអស់កុំដាក់អន្ទាក់សត្វព្រៃ ឬចាប់សត្វព្រៃ សត្វស្លាបគ្រប់ប្រភេទ ដែលច្បាប់ហាមឃាត់ និងកុំកាប់បំផ្លាញព្រៃលិចទឹកដែលជាជម្រកសត្វគ្រប់ប្រភេទ និងជាបរិស្ថានធម្មជាតិ ដែលជាហេតុនាំអោយមានទោសទណ្ឌ និងបាត់បង់ផលប្រយោជន៍ដល់សង្គម ក៍ដូចជាគ្រួសារខ្លួនឯង ៕
